Gaur mundu honetan dagoen leku ederrenetako bat ezagutuko dugu, Peruko Machu Pichu gotorlekua, hain zuzen ere. Herrixka hau, granitoz eginiko mendi baten gainaldean aurkitzen da. Bertara ailegatzeko biderik gomendagarriena, 4 eguneko ibilaldia da, hainbat mendi ezagutuko dituzue eta 20 metroko luzerako tuneletatik igaroko zarete, hau Inken bidea izenez ezagutzen da, aspaldian Inkek bide hau erabiltzen baitzuten bertara ailegatzeko.

Bide hau egin ondoren, Intipunkuko atera iritsiko zarete, bertatik Machu Pichuko paisai bikainaz gozatzeko aukera izango duzue, 4 eguneko bidai gogorren sari bikaina da hau. Historialarien ustez, gune hau, aduana antzeko bat zen, herrixkara sartu nahi zuten guztiek kontrola pasatzen zuten bertan. Machu Pichuko arkitektura hainbat zatitan banatua dago, hauetako bat, nekazaritza gunea da, bertan, nekazarien lurrak zeuden. Zaintza gunea da, beste hauetako bat. Hilerria ere badago, Inkek bertan egiten zituzten beraien erritualak, harrien bidez. Bestalde, “Roca Sagrada”, Hiru leihoetako tenplua,plazak eta hilobien museoa daude, besteak beste. Azken honetan, buruzagien momiak sartzen zituzten.

Egonaldia zoragarria da, baina hainbat arau daude eta hauek errespetatzea ezinbestekoa da Machu Pichu publikoa izaten jarraitzea nahi badugu.

1-Edaria kantinploretan soilik eraman daiteke.

2- Herrixkaren barruan ezin da ezer jan.

3- Gehienez, 20 pertsonako taldetan sartu.

4- Bertako harresietara ez igo.

5- Ezin da surik egin bertan.

6- Bertako zakarrontziak erabili, ez bota ezer lurrera.

7- Animaliak eta landareak pakean utzi.

8- Ur iturriak ez kutsatu.

9- Adierazitako zirkuituetatik ez atera.

Bestalde, Incen bideia egin nahi baduzue, beste arau hauek ere errespetatu beharko dituzue:

1- Ezin da zakarrik bota lurrera.

2- Ezin da surik egin, ez egurrik erabili.

3- Debekatua dago gune arkeologikoetan gaua pasatzea.

4- Bertako landareak, animaliak…hartzea.

Hemen duzue Machu Pichuko mapa, bertako borobil gorrietan klikatuz, non zaudeten jakingo duzue.

Turistentzako informazio gunea hemen duzue

Besterik gabe, bidai ona izan!